過去一年大多數時間都以口罩示人，好處係大家唔使再擔心自己個樣執得唔夠四正，但同樣地因為唔使擔心，大家亦花少咗時間去顧自己個樣。口罩終有除下嘅一日，大家個樣終要見人，男人就由買個靚鬚刨、管理好自己塊面上嘅鬍鬚開始啦！

經過N年發展、近年鬚刨已經唔係只要求剃得乾淨、個摩打轉得有幾快，而係有咩新科技、剃得乾淨之餘點樣減少刺激皮膚，唔洗剃完鬚之後有機會出現灼熱紅腫等敏感症狀。而Philips全新推出嘅7000系列電鬚刨就經皮膚科測試證實有效減少刺激，全因佢加入咗創新「SkinIQ肌感調控科技」，透過感應、導向、調控，因應唔同男人嘅鬍鬚做到最適合佢地嘅個人化剃鬚體驗。

實際上「SkinIQ肌感調控科技」講緊三個部份，由佢嘅刀頭物料到內置嘅感應器，每一個細節都照顧緊你皮膚，以科技精準剃淨、減少刺激，適應唔同男人嘅需要。

第一，刀頭外圍藍色部份用上每平方毫米有2000粒「順滑微珠」嘅防敏微珠塗層，令鬚刨於面上滑行時更加順滑，減低同皮膚之間嘅摩擦外，亦減少對皮膚嘅刺激，降低造成敏感嘅機會。

一般人剃鬚通常就係著咗個鬚刨再喺塊面上係咁推，但實際上正確使用Philips電鬚刨嘅方法係小幅度打圈剃。呢個全新S7000電鬚刨配有「智能動作感測」，可以追蹤用家剃鬚時嘅動作及時間，機身仲有個反饋提示燈提醒用家嘅手法是否正確，如果個「小圈」打得好，個icon就會著綠燈，如果打得未如理想就會著橙燈，成為你嘅私人剃鬚指導員，keep住正確嘅剃鬚手法，就唔驚再有敏感情況啦！

最後，仲有個「鬍鬚密度智能感應」，以每秒125次嘅頻率偵測鬍鬚密度，並根據鬍鬚密度自動調節刀片嘅轉速效能，遇到鬍鬚較為濃密、較長嘅部位，就會自動提升刀片轉速快速清理鬍鬚，避免拉扯可能造成毛囊受傷、發炎。一個高科技嘅電鬚刨，可以做到隨「肌」應變，先至係真正嘅個人化。換言之，就即係個鬚刨主動去遷就你，而唔係你要去忍耐個鬚刨啦！

鬍鬚密度智能感應

藍芽連接埋專屬嘅「GroomTribe」應用程式，一路剃一路會收到個App顯示嘅引導式剃鬚提示，仲幫你紀錄皮膚狀況同習慣，更針對性打造個人化嘅剃鬚計劃。

除咗內在嘅高科技「SkinIQ肌感調控科技」之外，Philips S7000嘅設計都係全新打造，外表極富科技感。刀頭由一貫嘅圓形首次換成五邊型，配合刀頭外圍嘅有一條條嘅導鬚引壓線，將唔同方向生長嘅鬍鬚引導帶入刀片之中，更容易接觸人中、耳垂邊等難剃嘅死角位，更準確地去除鬍鬚。

仲有一個值得入手嘅原因，就係佢附送目前體積最細嘅無線快速清洗座，配合刀頭專用洗潔劑使用，只需一分鐘就可以得到比清水沖高10倍嘅清洗效果*，深層清潔、潤滑一take過，細細個夠慳位又方便。

*於清洗盒中，使用專用清潔液與清水後的鬚後碎屑比較

乾／濕剃兩用，加埋內置彈出式修髮器，一次過處理埋鬍鬚造型同修剪鬢角，充60鐘就可以用返60分鐘，亦有快叉功能，充5分鐘就可以完成一次剃鬚。Philips全新 7000系列電鬚刨４個型號均於荷蘭製造，其中配件最齊全嘅S7788/59售HK$2,198。各大百貨公司及電器店有售。

立即觀看以下短片或到網址了解更多：