Bill Gates近年成為全球知名慈善家，雖然唔係世界首富但話哂都係全球排第四的有錢人，話說據美國土地投資者雜誌《土地報告》（The Land Report）公布比爾蓋茲原來靜靜雞通過財富管理機構係全美國 18 個州擁有約 242,000 英畝的農田和近 27,000 英畝其他土地，係美國現時最大的農田持有者。至於點解要買咁多農田，係咪真係有心想調理農務就係一個謎！

根據《MarketWatch》報導指出，追踪美國最大土地所有者的土地投資者雜誌《土地報告》（The Land Report）公布美國百大地主名單，揭露比爾蓋茲原來係全美國 18 個州擁有約 242,000 英畝的農田和近 27,000 英畝其他土地，係美國最大的農田所有者。蓋茨擁有的農田最大量面積位於路易斯安那州同阿肯色州，分別擁有 69,071 英畝和 47,927 英畝，然後再數到中部內布拉斯加州的 20,588 英畝。此外，比爾蓋茲係亞利桑那州鳳凰城西側的 25,750 英畝土地中擁有股份，該土地而家正開發為新郊區。而且佢係自己家鄉華盛頓擁有約 16,000 英畝土地，包括係美國葡萄種植區 Horse Heaven Hills 擁有 14,500 英畝土地，以近 1.71 億美元購買。

話說比爾蓋茨係現今全球第四富有人物 淨資產超過 1,200 億美元，暫時未有人明確知道到底蓋茲點解要投資咁多農地農田，反正佢就係美國的最大農地主。根據《土地報告》的研究，蓋茲持有土地都係透過蓋茲的財富管理機構 Cascade Investments 直接或通過第三方實體持有。Cascade 的其他投資仲包括食品安全公司 Ecolab、二手車零售商 Vroom 同加拿大國家鐵路公司。Cascade 拒絕對《土地報告》發表評論，只表示 Cascade 非常支持可持續農業。2008 年比爾和梅琳達蓋茲基金會宣布撥款 3.06 億美元，促進撒哈拉以南非洲和南亞小農戶進行高產量與可持續農業發展。該基金會進一步投資於抗氣候變化的超級農作物開發和促進高產奶牛繁殖。去年成立非營利組織 Gates Ag One 旨在推動呢個目標。

但有趣的另一個事實數據，蓋茲係美國最大的農田所有者，但並非美國最大的土地持有者，原來美國最大土地所有者係 Liberty Media 大老闆 John Malone，擁有 220 萬英畝 。CNN 創始人 Ted Turner 係八個州擁有 200 萬英畝土地，排名第四。亞馬遜CEO Jeff Bezos 都有大規模投資土地，擁有土地 42 萬英畝排名第 25 位，主要位於德州西部。