Keira Knightley曾經係一代女神，雖然佢出名身材「平平無奇」，但見到佢嘅全裸性愛場面都係一件賞心樂事。不過往後大家就唔會見到呢啲場面啦！因為Keira Knightley宣佈唔會再接拍由男性執導嘅性愛場面！

圖片：《Atonement》via IMDB

Keira Knightley日前接受《Chanel Connects Podcast》訪問時指，自己於未來嘅演員合約中會加上「不裸體條款」，換言之佢唔會再接任何需要佢全裸上陣嘅電影，特別係男性導演執導嘅電影。佢話加入新條款嘅原因係「部份因為個人虛榮心，同時又因為男性凝視」，前者係講緊佢已經生咗兩個小朋友，對自己嘅身體唔係太有信心，後者就係講緊佢唔鍾意荷里活一向以取悅異性戀男性嘅角度黎拍攝性愛或女演員全裸場面。

圖片：網上圖片

Keira Knightley補充道：「如果我要拍一部關於成為母親嘅過程、或者自我身體接受 (Body Acceptance)嘅電影，咁就要係一部由女性製作嘅電影。」同時佢亦唔抗拒由男性執導、又有全裸性愛場面嘅電影——只要全裸嗰個唔係佢就得，「有時我都完全明白，套戲呢個位放個性愛場面落去會好正，而大家需要嘅其實只係一個火辣嘅女生。咁嘅話你就可以用其他人代替，因為我呢個身體已經生咗兩個小朋友，而有得揀嘅話我就唔想唔著衫企喺一大堆男人面前。」