近日有傳知名遊戲廠商Konami將退出遊戲業務，差喲嚇死一班機迷。事源Konami於25日宣布為應對市場快速變化，將三個生產部門解散，加上近年除咗「PES系列」同「桃太郎電鐵系列」就無新作，引起唔少網友猜測Konami要退出遊戲界。

幸好，Konami於26日向IGN發聲明表示，為咗令遊戲開發更靈活，公司進行內部重組合併生產部門，並唔係外界所傳「關閉」遊戲部門。

Konami出過唔少經典大作，你又認到幾多個？（圖片：Facebook@Konami）

Konami曾憑多個經典IP風光一時，「惡魔城」、「魂斗羅」、「Metal Gear Solid」等作品深入民心，但自從唔少知名製作人（ 小島秀夫、五十嵐孝司、今泉健一郎）離開後，Konami就好耐無推出令人矚目嘅新作，並轉戰手機遊戲市場，昔日光芒漸漸暗淡，所以網友會猜測Konami退出遊戲業務都唔出奇。