女團NMB48成員今年23歲嘅白間美瑠，2019年推出首本個人寫真《LOVE RUSH》，走火辣路線大曬前凸後翹姣好身材，寫真集一面世就引起粉絲哄動，火速登上amazon寫真暢銷排行榜第2位。曾經有記者問到佢寫真集入面有唔少性感相，拍攝嗰陣有冇緊張。對於呢個問題，白間美瑠竟然表示唔緊張，仲大爆細細個嗰陣喺屋企已經習慣唔著衫，因為咁樣舒服啲喎，爸爸同弟弟都無講過咩，如果有人嚟屋企拜訪就會關埋房門。

白間美瑠外表睇落聰明乖巧，但內其實係傻傻地非常搞笑，細個仲成日嘟嘴扮猩猩，所以華語界粉絲幫改咗個花名「美猴」。

白間美瑠原定打算於上年4月喺大阪及東京舉行首個個唱，可惜疫情問題而遭延期。更喺上年11月宣布感染肺炎，大家唔洗擔心，由於病情較輕，經治療後好快就好返。