| 【危險勿試】高人發現Windows 10嚴重Bug打一句指令硬碟即時損壞死亡 | |
 各位今日介紹一個厭世電腦完全自殺手冊一招了大法，外國網站有高人發覺Windows 10有個嚴重的Bug，只需要跟住做打一句短字串指令就可以馬上令硬碟損毀，即時自殺，似乎沒法完全修復，而且所有Windows 10 電腦都有影響，換機其實就係咁簡單，係咪好想跟住試呢？放心過年前買硬碟換電腦，特價！    呢個Bug由一個外國網站Bleeping Computer 提出，只需一句簡單短字串指令，就可以破壞使用者 NTFS 硬碟。指令仲可使用多種方式引導用家觸發，例如假扮成 ZIP、HTML 檔甚至其他文件格式等。聽落有趣，用落一點都唔好笑！根據網站測試影片，打完指令造成損壞似乎沒法完全修復。只要大家跟住上圖輸入短字串指令後，一enter會顯示無法找到，不過傷心事過幾秒就發生，電腦就會跳出需要重新啟動修復硬碟錯誤，並要求馬上重開機，接著就會進入修復畫面，修復完後重新開機又會再度出現錯誤，然後再次修復硬碟錯誤。Windows 10 事件日誌同樣出現錯誤報告。就係咁，你部電腦個wimdow10同個硬碟就玩完！！  呢個Bug利害之處係對所有版本的Windows 10 電腦都有影響，所以如果有壞人駭客係文件加入此指令，用戶唔小心下載並執行就有可能導致硬碟損壞。目前並唔清楚呢個短字串指令為何導致硬碟損壞。大家可以試下你快手將電腦自毀定微軟快手修復問題，其實睇完係咪有種想係非自己部電腦一試的衝動呢？我提提大家，千祈唔好！ 
 資料參考： |
|