日本疫情持續嚴峻，今日新增近千宗確診個案，十個都府縣正處於「緊急事態宣言」態狀。今日日媒《女性Seven》引述消息人士指，石原聰美於1月中旬驗出確診肺炎，目前正接受隔離治療。石原聰美至今並無發出任何官方聲明，有業內人士指因為新戲未曝光，為求保密所以無對外公布拍攝消息。

（圖片：Instagram@satomisquad）

據了解，石原里美喺新戲開拍第一日嘅檢測入面，被發現患上肺炎，由於無任何症狀，所以佢本人都非常驚訝。基於石原聰美正接受隔離治療，佢所有戲份都需要延期拍攝，好彩嘅係石原里美無密切接觸者，其他人可以拍著先。

（圖片：Instagram@satomisquad）

日本一線女星石原聰美曾演出多部膾炙人口日劇及電影，曾經同山下智久傳過緋聞，其後同IT社長前田裕二拍拖並同居，可惜最後無疾而終。去年10月宣布同圈外男友結婚升格做人妻，震撼演藝圈。