據韓聯社報導，近日北韓外宣媒體「由我們民族自己」公開金正恩個人傳記《偉人和強國時代》內容，講述金正恩執政10年間喺國防、外交、社會、經濟及文化多個領域嘅「威水史」，全書總共多達620頁。

《偉人和強國時代》總共長達620頁。（圖片截至：由我們民族自己）

據了解，傳記共分為七個部份，當中包括核武開發，朝美新加坡會談、派團出席平昌冬奧等。書入面詳細介紹咗北韓試射裝有氫彈彈頭嘅洲際彈道導彈（ICBM），以及自主研發嘅「火星-14」及「火星-15」洲際彈道導彈試射，並強調北韓要用「代表正義力量」嘅核武抗衡敵對勢力核威脅。

金正恩親自監督新武器試射。（圖片截至：KCNA）

至於外交方面，書中首先用咗長達15頁提及北韓與美國關係改善，包括喺新加坡首次與特朗普會面、板門店會談，歌頌金正恩取得偉大外交成果。不過喺越南舉行嘅第2次特朗普金正恩會面最後談判破裂，就未有提及。當然唔少得最大盟友中國，書中另外亦介紹咗金正恩2018年至2019年期間4次訪華之旅。

金正恩與特朗普於「三八線」握手。

金正恩將軍騎白馬登上白頭山。（圖片截至：KCNA）