香港人住屋問題永遠都係最嚴重，啲樓貴得黎又要細，更遑論想有海景或者同隔離屋疏啲。竟然香港見唔到，唯有睇下人地啲樓FF下啦。

位於希臘愛琴海 Tinos 島上命名為「The Lap Pool House」嘅超級住宅，其實我都唔知叫唔叫佢做住宅好啦，或者你可以叫佢做現代皇宮都得。由建築公司 Artside Dallas Architects 打造嘅呢座嘢相信絕對令香港難以想像。

首先佢周圍空無一物，去到夜晚包保唔會有人嘈你，唔會聽到隔離屋鬧交。另外佢仲有一個令人嚮往嘅無敵泳池，對住個海一望無際，亦都肯定唔會無啦啦有座樓起喺你前面，Chill到無倫。當然入面室內嘅設計亦都係簡潔得黎與周圍環境非常匹配。

當然啦，有好自然就有唔好，你唔好諗住夜晚肚餓可以出街買野食啦，好肯定講一定無。