昨日中國遊戲界爆出醜聞，騰訊官方網遊加速器裡面的內建的「道具商城」功能中居然公開搵到賣盜版的遊戲即所謂「離線版」 Steam 遊戲，引發爭議。中國盜版風氣盛行，不過一般都唔會蠢到係正版官方騰訊地頭賣，雖然放上架賣老翻係第三方人士。但騰訊作為中國第一大遊戲商，而且有平台管理義務，所以被正義網民怒插難辭其咎，而騰訊的反應就係馬上出個簡單道歉刪走盜版遊戲買賣然後退錢畀買家，於是被網民第二度爆插「賣盜版賠錢給買盜版的？」而非賠錢給正版開發商！

先講講介紹下何謂騰訊加速器，係中國用騰訊加速器據說係可以讓中國玩家遊玩國外伺服器時更為順暢，總之係中國內地有錢就有得快速連接國際。而加速器頁面有個「道具商城」功能，可以讓玩家們交換不同遊戲式道具作買賣，咁其中裡面有人公然賣帳號同所謂「離線版」的 Steam 遊戲，即平價老翻，當中買返國產遊戲《鬼谷八荒》老翻只需要人民幣 2.8 元。

呢種盜版交易喺街頭巷尾甚至其他購物網站就好盛行，但連遊戲界老大騰訊嘅官方地頭都出現就引起不滿，咁當然騰訊都算處理得好快，馬上就拉人封艇，不過佢就將老翻買家買咗嘅錢退返畀眾買家。騰訊後來在官方微博出聲明

關於騰訊網遊加速器下架單機遊戲離線版帳號的聲明：

根據網友回饋，我們發現在騰訊網游加速器遊戲商城記憶體在通過共用帳號銷售Steam上正版遊戲的行為，損害了遊戲體驗和開發者權益。目前我們已經對相關的遊戲商城板塊進行下架處理，並將退還玩家購買離線遊戲的所有費用。對於用戶和開發者帶來的困擾，我們深表歉意。我們將進一步加強平臺的管理力度，完善平臺機制，歡迎廣大玩家共同監督。

中國網民睇完就唔多滿意仲不停鬧爆騰訊「賣盜版賠錢給買盜版的？」，但我建議國內網民見好就收，鬧得太多好容易就可能引發官方出面解決事情，解決提出問題的人就是解決問題最好的解決！