日本近年出現非常多「不露臉」嘅Youtuber，有煮嘢食嘅、打鼓嘅、彈琴嘅、砌模型、露營嘅，而佢哋嘅共通點就係不露臉只露胸，實際上做啲從來都唔係重點，所以被台灣網民稱為「乳tuber」。或者係露胸露到悶，所以日本有Youtuber再進化，開始出現「尻tuber」，即係露股呀！

Tanu-Kitchen呢個頻道係由一自稱為Tanuchiki嘅日本女大學生所開，佢於頻道簡介中以疑似Google Translate得出嘅簡體中文，話自己因為大學生活好「遙遠」，而且夢想係早啲結婚，所以決定努力煮嘢食，再繼而開咗呢個頻道。不過話到明佢係個「尻tuber」，重點當然唔係佢做咗啲咩。佢目前上傳咗嘅十令條影片中，佢都有精心安排鏡頭角度、動作，令大家能夠睇到佢個Pat Pat，特別要讚嘅係佢準備咗多套服裝，例如極透嘅絲襪、校服短裙、牛仔熱褲、死庫水泳衣咁，令人睇到張影片縮圖都不禁大叫「好好味」呀！

識煮嘢食係咪一個好老婆我就唔知，但睇到佢個又圓又挺嘅Pat Pat，啲老一輩就似乎會認定佢係個好生養嘅好新抱啦。