喂！上星期有冇試到Menclub教你的《Morning Q後的無敵意粉》呀？（參閱內文http://menclub.hk/gourmet/2650），學完煮意粉，係時候Upgrade自己，煮埋個好味肉醬過Honey歎吓！

細個睇《伙頭智多星》、《伙頭仔昆布》、《伙頭爸B》、《中華一番》等等，都會覺得裡面啲食物寧舍不同！就係差在漫畫主角都會加入「秘密食材」，令成件事神化咗！

無錯～而家市面嘅現成肉醬其實已經幾好味！但食嚟食去都係拿破侖、傳統肉醬、車打芝士，好冇新意啫。喂！自問唔係永世識煮即食麵，都算得上喺廚房撚得兩味，埋嚟挑戰吓《伙頭智多星》第2集「意大利粉」裏面，川田飲食集團（又稱味皇料理會）意大利菜部主管丸井善男，同主角味吉陽一嗰兩款神級肉醬啦！

煮肉醬其實好簡單，離不開牛肉／豬肉，再加上蔬菜及調味料。

循例提供一個簡易的肉醬食譜畀大家，想親手煮埋肉醬一樣冇問題。

材料︰

蘑菇　　　　1/4磅（切開）
免治牛肉　　1磅
橄欖油　　　1湯匙
洋蔥　　　　1隻（切粒）
大蒜　　　　1個（切粒）
番茄膏　　　1湯匙
香葉　　　　3湯匙（切碎）
番茄　　　　1罐
芝士　　　　適量（切碎）
鹽及胡椒粉　適量

肉醬煮法︰

1.燒熱平底鑊，放入橄欖油燒熱
2.爆香洋蔥大蒜，加入蘑菇，以慢火炒4分鐘
3.加入免治牛肉炒至略熟，伴入番茄膏、胡椒粉、番茄及香葉等，再煮5分鐘

如果你跟住上述方法整，試完味已經覺得好正好滿足，唔想再upgrade自己，咁你可以退吓嘞！

漫畫《伙頭智多星》，川田飲食集團（又稱味皇料理會）意大利菜部主管丸井善男所煮的肉醬秘訣在細節！

1.肉醬肥瘦比率要恰到好處，最好牛肉3，豬肉7，食落就不油不膩，充滿肉香。

＊解說︰

合桃內的子葉肉質多油，加入肉醬後，能夠進一步提升肉的鮮味。

另外，近年愈來愈多素食者（好多男朋友好體貼，陪女朋友一齊戒肉）。不過，總會間中想食肉，不妨試吓喺茄膏、蛋、茄汁之中，再加少少碎合桃，就能營造出近乎肉味的口感。醒少少秘技過你，如果想齋湯（例如粟米煲紅蘿白）有肉味，都可以落花生同合桃！

主角味吉陽一所煮的肉醬，則有不同的秘訣！

就係用茄子！

＊解說︰

茄子本身稔滑，加強了肉醬質感，而且茄子吸油，盡吸肉醬精華，令肉醬同茄子相互配合。

等等！！唔好心急落咁多茄子先！因為陽一發現茄子有重大問題！