講到全世界跑得最快嘅男人，大家都知道係已退役牙買加運動員保特（Usain Bolt），不過最近體壇就出現一位超新星，有望成為保特接班人。年僅17歲嘅Erriyon Knighton，近日喺美國田徑奧運選拔賽200米決賽跑出「19.84秒」佳績，打破保特U20及U18世界紀錄，同時奪得東奧參資格，成為自1964年奧運後最年輕嘅美國田徑男子運動員。雖然同全盛時期嘅保特「19.19秒」仲有一段距離，但佢仲咁後生，前途確實無可限量。

身為全球最快男人，保特本來以「20.13秒」、「19.93秒」以「19.19秒」分別成為U18、U20以及成人200米世界紀錄保持者，但自從Erriyon Knighton橫空出現後，多年嚟嘅U18及U20 200米紀錄都被呢位超新星打破，目前只剩底成人世界紀錄「19.19秒」尚未被打破。至於呢項紀錄會唔會都係由Erriyon Knighton打破，就確實令人期待。