自去年7月，Beats by Dr.Dre被蘋果公司相中收購之後，期間就乜無聲氣，沉靜咗落嚟，原來靜極思動，收埋自己研發新產品，就係面前呢個無線新產品－Solo² Wireless耳機。
Solo²與Solo² Wireless最大不同處，就一定係多咗Wireless呢項至無得頂功能啦，套用咗高階Beat Studios耳機Bluetooth功能，就算距離音頻設備達30呎，依然無阻其接收功能，而想轉歌或調較音量的話，按一按耳杯上面嘅「B」鍵就可以控制，呢個按鍵仲可以用嚟接電話（請留意番Solo² Wireless未有內置電話功能，聽電話就要插條3.5mm音訊線先OK）操控方面，仍然達到簡單、方便呢個大原則。
用家可能會擔心由插線變成無線播歌時，會影響音質效果，呢點大家可以放心，音色已經特意經過調整過，唔會失真之餘，清晰度亦被提高。 Beats by Dr. Dre Solo² Wireless 無線頭戴式耳機 主要新功能: • 藍牙可在遠達 30 呎的位置保持連接 • 更新音質效果 ， 增強清晰度 • 流線型輕巧的設計，增加舒適感 • 耳罩上設有控件，便於接聽電話和切換音樂 • 電池電量計指示電量 • 設有電量指示燈，可充電電池連接藍牙可使用 12 小時 售價︰$2,598 顏色︰黑色，白色， 藍色， 紅色
|
