成Q日都話男人不壞女人不愛，問到女人s係咪真係咁犯賤，又口口聲聲話唔係。女人心目中的壞男人同賤男人係兩回事，問到咩係壞男人，又咦咦哦哦話好難解釋，一句到尾︰「你唔明架喇～！」妖！你哋唔講緊係唔明啦！Mean娜而家就話你知，究竟女人口中嘅壞男人究竟係點，又有咩咁殺食。

與別不同的魅力
壞男人畀人感覺與別不同，可能佢唔合群，又或者行為舉止好瀟灑，唔似得大部份乖男生。但其實呢啲所謂感覺「壞壞的」男生，冇做過咩壞事，佢嘅壞係出自其神秘同獨特感覺。初時女生可能對呢種「壞男人」冇咩好感，但同時又會對對方感到好奇，漸漸被佢吸引。

性格反叛
女人喜歡的「壞男人」基本上唔喜歡順從某些規條，以及有強烈自我風格。 有時壞男生的行為壞得來帶點孩子氣，例如走堂去抽煙，同人打交之類，但佢哋反叛的背後，可能有一段不為人知的過去，例如來自單親家庭等等，讓女生容易產生母愛，萌生愛心。

行為大膽
「壞男生」比一般男生大膽，但卻識拿捏分寸，唔會一味做出嚇怕女生的行為，反而識得做出令對方又愛又恨的舉止，令佢哋小鹿亂撞，日本而家流行的「壁咚」就是其中一個例子。

只對你好
女人心目中的壞男人只對自己好。雖然壞男人可能做出好多傷害他人嘅事，但偏偏對你一個好，令女生覺得自己係獨一無二，從而有種好甜蜜的感覺