著名廚師、作家、電視節目主持人Anthony Bourdain離開大家三年有多,唔少人都對呢位才華橫溢又風趣幽默嘅名廚念念不忘。同其他名廚唔一樣,佢除咗夠膽揭露業界各種不為人知嘅祕密,亦經常分享個人處世哲學。與其話佢係飲食節目主持,不如話係一位走遍世界探索各地風土人情嘅旅行者,每句看似尖酸刻薄嘅說話背後都埋藏住細膩情感,引起觀眾反思及細味。隨住個人紀錄片《Roadrunner: A Film About Anthony Bourdain》於今日上映,導演Morgan Neville就向記者分享製作心路歷程以及對Anthony Bourdain嘅印象。