上禮拜烏克蘭警方破獲一個地下「PS4礦場」，宣稱有不法份子偷電並透過3,800部PS4挖加密貨幣。不過，由於過往冇咩人會用遊戲主機挖礦，加上效率又唔高，所以引起唔少礦工質疑礦場點解會做蝕本生意。最近外媒Eurogamer就指出，礦場挖嘅可能唔係加密貨幣，而係《FIFA》入面嘅FUT金幣。

Eurogamer引述當地媒體Delo報導，佢咃從警方公開嘅照片入面，發現當中唔少PS4都有遊戲光碟，再訪問多位礦工後，就推測礦場挖嘅極有可能唔係加密貨幣，而係透過腳本程式挖《FIFA》FUT幣。

一般嚟講，《FIFA》玩家如果想獲得稀有球員就課金抽卡，或者透過不斷打機獲得FUT幣直接喺拍賣場購買相應球員。之但係兩個方法一個要使好多錢，一個就好花時間，所以有唔少玩家會冒住被封帳嘅風險（EA唔容許玩家買賣FUT幣）透過黑市買幣，吸引到唔少不法商人入行刷幣。