咖啡喺全球有唔少愛好者，而香港人亦尤其鍾愛咖啡，每日啡不離手嘅人你肯定見唔少，身邊嘅同事絕對大有人在。而近日利園區舉行一個咖啡活動「利園咖啡生活節」，聯合區內多間咖啡店喺希慎廣場1樓中庭大搞「咖啡主題市集」。

一連多日，「咖啡主題市集」將有多達10個咖啡品牌齊集，現場可以見到多款店舖獨家嘅咖啡豆、咖啡、精品等等，供大家選購。而同時市集亦設置左文青味濃嘅咖啡烘焙車，經過你都可以聞到一陣陣咖啡香氣，而你地一班咖啡愛好者亦可以即場打下卡。

若然你真係自問一日飲幾多杯咖啡都得，咁你就不妨試下市集限時體驗嘅活動，以$199購買「Lee Gardens Coffee Pass」，咁你就可以到指定嘅9間利園區咖啡店飲咖啡，真係平均$20多啲就可以歎到杯咖啡！

利園今次更聯乘區內咖啡店舉行「咖啡大師工作坊」，工作坊將由專業咖啡師親自教授，只要你熱愛咖啡你都一定從中學到唔少野！

利園咖啡生活節 - 咖啡主題市集

日期：2021年7月22日至8 月1日

時間：上午11時 – 晚上9時

地點：銅鑼灣希慎廣場1樓中庭

費用：免費入場