無論香港定美國返工食飯都要打左疫苗先方便出行，於是就引來黑市疫苗針卡商機。近日香港警方破獲偽造疫苗記錄及身份證集團於西九龍區活躍，甚至遠至美國海關都查扣搜出一批又一批由深圳運出的「假疫苗接種卡」，據知今年美國已第 121 次查獲假疫苗接種卡，數量超過3000張，而全部皆自來中國，當然美國人最鐘意屈我國出品，年前已經屈過假選票來自中國。我再勸勸世人疫苗接種唔係為左食飯返工，真係為你身體好保障你同你家人，唔好咁傻買假針卡蒙混過關，一來可能陷中疫危機，二來仲無得抽獎！未打疫苗快快行動，順便大家可分享下！其實係咪真係咩都淘寶買得到？

美國海關及邊境保衛局（U.S. Customs and Border Protection, CBP）日前係美國Memphis港口扣查一批由中國深圳運去路易斯安那州新奧爾良的「偽造疫苗接種卡」；今年美國海關及邊境保衛局已經第 121 次查獲山寨疫苗接種卡，據報全部都來自中國，總數量已超過 3,000 張。假疫苗接種卡同樣有空白的疫苗接種人姓名、出生日期、疫苗製造商、批號、注射日期及地點等，甚至右上角仲有美國疾病管制署（CDC）的標誌。不過只要仔細觀察，係可以發現假疫苗卡的紙質較粗糙，且卡上有錯別字及拼寫錯誤(咁簡單的字點解唔Proofread下)，更重要假針卡片都不是由美國 CDC 或是醫療單位進口的，因此很容易就可辨別是假的疫苗接種卡。所以其實買假針卡的人係智商上都係有少少毛病！

比香港更甚，美國愈來愈多學校、企業，要求學生或員工接種疫苗，並係返學校或回到工作單位時出示疫苗接種紀錄；好多人認為正正因為呢類規定令到反對疫苗接種的人透過假疫苗接種卡規避，造成山寨疫苗接種卡橫行。根據美國海關及邊境保衛局表示，假疫苗接種卡大多數運輸時註明為「賀卡」或「紙卡」，常常以 20、50、100 張包成 1 個包裹的形式出現；自今年以來，已經是第 121 次查獲山寨疫苗接種卡，總數量為 3,017 張。其實美國雖然防疫要求都唔少，但最終政府無權要求人人打疫苗，接種依然係自由唔打針唔犯法，唯獨買假針卡就係犯法，購買、出售或使用都係犯罪行為，會觸犯未經授權使用官方政府機構印章等法律，將面臨罰款和最高五年的監禁。香港則會被處以「管有偽造身份證」、「管有他人身份證」、「管有虛假文書」會被拘捕。

買假針卡真係博唔過，是智商嚴重的出錯，唔打針其實係可以大條道理，無人逼你，但用假針卡就「衰硬」。當然你問我我一定話打疫苗其實最好，只要你選擇正確的疫苗。