| 曾幾何時，文青都係IT旗下品牌「Chocoolate」嘅常客，除咗貪佢啲T Shirt質地唔錯，最緊要就係佢成日有啲令人難以抗拒嘅聯乘產品。記憶中早兩年就同「高達」及Bandai合作，買T恤就送1:144HG全黑RX-78-2模型。而今次，佢哋就食住《Avengers》條水，出30cm高嘅1:6 「潛行版」Mark VII，真係睇到流哂口水！唔得啦，我要「二姑」啦…我要叫呀二姑買畀我啦！ | |
| |
| 呢個唔知關唔關「潛行追擊」事嘅「潛行版」，最特別係用上全黑塗裝，再加上近似色的電腦迷彩圖案，胸甲同小腿甲就用上半透明物料，加上全身30個可動關節、識發光嘅眼、心口同掌心，仲有專用底台和其他更換套件，連埋件T恤都只係$1,999……呃…我可能用多咗個「只」字嘅咁又… | |
順帶一提，件T恤係咁嘅樣。 | |
| 但你知道呢個綑綁式銷售最偉大嘅地方喺邊嗎？就係你可以光明正大咁穿越「家中入境處」－－即係你老婆，或者你呀媽－－嘅禁運條例：「咩又買Figure、咩又買玩具！呢盒嘢買衫送架咋，贈品黎架！」 |
