隨住三代蜘蛛俠於《Spider-Man: No Way Home》強勢回歸，Andrew Garfield人氣水漲船高，Fans們隨即發起「#MakeTASM3」活動，呼籲Sony拍埋《The Amazing Spider-Man》系列第3集補完三部曲。經過好幾個月洗版式留言後，日前Sony官方Twitter就忍唔住話：「我哋睇啲hashtag，但冇權話事啊，我哋只係social team…」

自從Andrew Garfield事隔7年再演蜘蛛俠後，網上就充斥住大量有關《The Amazing Spider-Man 3》嘅討論，過去幾個月不斷有Fans喺Sony官方Twitter留言「#MakeTASM3」，就連Tom Holland亦表示會「全力支持」。但可惜嘅係，Andrew Garfield早前接受外媒《Variety》訪問時就話暫時冇計劃(no plan)再演蜘蛛俠，仲自嘲：「我餘生應該都會被當成騙子，我就係嗰個叫『狼來了』嘅小男孩。」

Tom Holland wants to see The Amazing Spider-Man 3 with Andrew Garfield as much as the rest of us! pic.twitter.com/63Alc7Bx1D

— Phase Zero - MCU (@PhaseZeroCB) February 3, 2022

Andrew Garfield says he has “no plans” to play Spider-Man again, but jokes that “everyone’s going to call me a liar for the rest of my life. I am the boy who cried wolf now.” https://t.co/IBvzOkUrxX | Variety On the Carpet presented by @DIRECTV pic.twitter.com/nyiEKnbSHY

— Variety (@Variety) February 28, 2022

對於Fans嘅呼聲，Sony官方Twitter日前發文宣傳《No Way Home》數位版嗰陣，就表示已經睇到大家嘅hashtag，不過佢哋只係負責管理社交媒體嘅團隊，冇權話事拍唔拍。結果...Fans們繼續喺留言區洗版，仲有唔少網友表示要拍埋Tobey版蜘蛛俠第4集「#MakeRaimiSpiderMan4 」。

The Amazing Peter #3!

(Note: Yes, we’ve seen the hashtag. No, we don’t decide which movies get made. We’re just the social team ????)#SpiderManNoWayHome is now on Digital, and coming to 4K UHD and Blu-ray on April 12: https://t.co/unUkX9ceZc pic.twitter.com/TCsyk7swLC

— Sony (@Sony) March 22, 2022

事實上，過往都有Fans請願成功嘅案例，就好似DC嘅《Justice League（正義聯盟）》，網友講咗「#ReleaseTheSnyderCut」將近3年，最後成功令華納兄弟出返個Zack Snyder剪接版。之不過呢，由於《Zack Snyder's Justice League》只係重新剪輯同加返啲CG，所以先咁快搞掂，相反Sony就算落實開拍《The Amazing Spider-Man 3》，都要由零開始花大量時間去度故仔同埋班，有排都未有得睇！

資料來源：thedirect、screenrant、Variety