文:MenClub 摯樂 圖:互聯網 POSTED ON March 30, 2022 10:45 am
【電動世代】英國ADL電動雙層巴士服役首航香港都會引入十架明年可以搭
巴士迷注意!英國巴士製造商 Alexander Dennis(ADL)最新電動雙層巴士「Enviro400EV」已經係英國服役行駛,而2021年業績賺錢的香港九巴即將引入10架同廠繼航力更強「零排放」Enviro500EV三軸雙層電動巴士,一部電動巴士可以載客130人,不過呢個並非全香港第一部引入雙層電動巴士,因為城巴福建威馳騰 WSD6121BR1EV雙層巴士作為全港第一款電動雙層巴士上年已經引入左,而好高興能夠引入英國巴士的朋友都要注意「Enviro500EV」係 Alexander Dennis 及中國比亞迪(BYD)共同研發,電力同電池技術主要來自BYD,據說充電一次行足一日!以後搭巴士要好好支持一下!
Alexander Dennis 預計 10 架巴士明年就可以交貨,屆時將成為亞洲地區首批電動雙層巴士(城巴上年只得一部!)。「Enviro500EV」零排放電動雙層巴士由 Alexander Dennis 及中國比亞迪(BYD)共同研發,配備經驗證 BYD 電動技術及磷酸鐵電池,據說極具成本效益,一般情況運作一日航程只需充電一次;採用半開放玻璃車身,車身長達 10.9 公尺,符合倫敦交通局對首都路線綜合規範標准。據ADL巴士公司高層指出香港的巴士營運乃世上最嚴苛營運要求之一。相信香港營運行得掂的巴士肯定可以係世上任何地方城市營運行駛!