| 【月台上醫生】東京都內JR西國分寺車站月台首間醫療診所開幕搭車順便睇醫生 | |
|
日本車站月台一向常見有速食餐飲店，便利店甚至服裝店，但4月東京都內的JR西國分寺車站月台上就開左日本第一間月台上的診所仲全年無休，原本係便利店的月台診所將會有醫生進駐，為搭客提供應診服務，仲可以進行超聲波或心電圖等檢查。診所內仲設置專供視訊看診包廂，供居民利用視像方式睇專科例如皮膚科、耳鼻科及婦產科等項目。對於返工大過天的日本人而言位置真係好方便！
根據日本日本富士新聞網報導，R西國分寺車站將會有日本第一家車站月台上的診所，利用原本係月台上的便利商店店面轉變成診所，預計4月4日開業。西國分寺車站到東京市中心直線距離約27公里。「月台上的診所」會有內科醫生進駐，面對面為乘客診症，店內同時可以進行超聲波或心電圖等檢查。
睇完診症得到醫生開立的處方箋之後，乘客可以到自家或公司附近藥房領藥。另外，診所內仲特設有視像專科醫生服務，設有視像看診包廂，供乘客利用視像方式睇皮膚科、耳鼻科及婦產科。診所看診時間由上午8時到晚上9時，全年無休，對通勤旅客或時間唔多的日本朋友而言相當方便。不過唔知有幾多人覺得病病地會專登去火車站月台睇醫生，除非個度醫生護士都特別出色！
|
|