Netflix韓劇《魷魚遊戲》去年席捲全球，連日佔據90多個國家排行榜首位，更成為Netflix最高收視劇集，同時贏得多個國際影視獎項。正當影迷們紛紛期待第二季正式開拍，最近就有消息指導演黃東赫目前籌備緊另一部作品，而且比《魷魚遊戲》更暴力，更具爭議性。

據外媒《Variety》報導，黃東赫正在開發一部名為《Killing Old People Club》嘅新電影，靈感嚟自意大利小說家兼哲學家Umberto Eco作品，目前已經草擬好一份長達25頁嘅計劃書。雖然未知具體劇情，但從片名可以推斷主題會同「獵殺老人」有關，或者會探討高齡化社會、世代對立以及人性嘅黑暗面等等，實情仍有待導演後續公布。

早喺今年2月，黃東赫接受訪問時亦透露過新作會比《魷魚遊戲》更暴力、更具爭議性，仲講笑咁話「部戲上映後，我可能要避開老人家。」究竟會係一部咩作品呢？確實令人期待！順帶一提，導演預告《魷魚遊戲》第二季將於2024年底前播出。