11月應該可以食飯睇戲了吧？起碼日本應該可以！由新海誠擔任原作、導演、編劇的動畫電影新作《鈴芽的門鎖》（暫譯， 原名：すずめの戸締まり）已確認係11月11日全日本上畫，不過唔知香港幾時可以睇到呢？電影中呢個九州小鎮睇來會成為新旅遊打卡朝聖地！

今次全新同樣係超級畫風「精美」的動畫，故事講述一位係九州小鎮生活嘅 17 歲少女鈴芽（すずめ，日語有「麻雀」的意思），邂逅一位為左找尋「門」的旅人，追尋旅人的鈴芽係山裡入廢墟發現左一扇古老之門，馬上就被吸引過去一樣，鈴芽向那扇門伸出手…新海城作品中細膩真實的場景往往成為朝聖熱點，今次新電影中好可能出現的新熱點可能係軍艦鳥及主視覺圖中，一座建築物矗立在湖（水坑？）背景當中。日本中同構圖相似的遺址似乎係大分縣的舊豐森圓屋。

電影團隊其實同《你的名字。》、《天氣之子》一樣，都係由田中將賀負責角色設計，由土屋堅一擔任動畫監督。丹治匠負責美術指導。CoMix Wave Films 製作動畫，STORY inc. 製作。以前大家一見到宮崎駿動畫就會追住入戲院，如今一見到新海誠編導同樣會追住入戲院，只期望十一月一切會好起來！