| 【功德無量】烏克蘭發佈叻叻英勇掃雷犬日日拆地雷爆炸品造福居民 | |
|
烏克蘭戰爭令大量平民家破人亡，部份地區俄軍雖然已經撤退，不過就留低大量地雷及詭雷，隨時對當地人民生命構成危險。好彩烏克蘭國家緊急服務中心近日拍片介紹佢地有超級英勇掃雷犬派頓（Patron），自從開戰以來掃雷犬Patron就日日穿梭不停四處嗅聞，一發現地雷爆炸品就會大聲吠叫，幫助掃雷人員安全移除地雷，叻叻狗仔1個月已經成功得到90次芝士點心獎勵，拯救不計其數無辜居民性命，真係家有一狗如有一寶！
派頓（Patron）係一隻傑克羅素㹴，今年兩歲，主要係切爾尼戈夫市（Chemigov）執行掃雷任務，自戰爭爆發以來，派頓已經成功發現左90個地雷，被稱為當地最佳掃雷代言人。烏克蘭國家緊急服務中心近日係社交媒體上傳派頓工作影片，只到小小Patron身穿印有自己名同烏克蘭國旗的背心精神工作，小小身軀飛快穿梭於荒煙漫草中，利用敏銳鼻仔不斷四處聞，一發現有地雷、詭雷與未爆彈時就大聲吠叫，協助掃雷人員安全移除地雷。   對於狗仔而言發現一個地雷就係發現一件禮物，因為完成任務可以得到芝士點心做獎勵，不過對於人命而言，「來自俄羅斯的禮物」地雷就真係非常討厭，俄國撤軍後留低大量地雷同詭雷，一不小心就會攻擊平民，好彩有派頓（Patron）呢種另類戰爭英雄，每日拯救無數人類生命，防止可怕爆炸傷害居民。所以當有人用狗作為貶義形容語想去鬧人時，我認為絕對不合適，狗係非常可愛忠誠的小動物，比起好多人更有人性。
|
|
