暴雪喺今日凌晨正式發布史上第一款「魔獸系列」手機遊戲，不過就唔係大家所猜測嘅《魔獸世界M》，亦都唔係類似《暴雪英霸》嘅MOBA遊戲，而係以《魔獸》為主題嘅即時策略遊戲《魔獸兵團 Warcraft Arclight Rumble》！各位機迷驚唔驚喜，意唔意外呢？有冇跌眼鏡？

《魔獸兵團》玩法類似市面上嘅《部落衝突：皇室戰爭》，玩家能夠喺地圖上擺放迷你英雄進行攻擊，當中涉嫌兵種組合、屬性相克、塔防等策略元素。據官方介紹，遊戲設有單人戰役、PvP及團體合作三種模式，並擁有超過60款《魔獸》角色迷你棋讓玩家收集，組成獨一無二陣容擊敗敵人。另外，遊戲免費下載，不過有商城可以課金買新兵種、法術、以及各種禮包。

遊戲由即日起開放註冊，預計今年下旬正式推出，唔知大家覺得暴雪今次有冇誠意呢？