貴為北韓最高領導人，金正恩健康狀況向來備受關注。據韓聯社報導，曾一度減肥成功嘅金將軍最近似乎再度發福，除咗塊臉變返脹卜卜，恤衫衣領亦明顯變得繃緊，估計係因為呢半年壓力太大所致。

2021年12月（左圖）；2022年5月（右圖）

韓聯社透過對比去年年底以及近期北韓防疫會議嘅照片，發現金正恩體型有明顯變化。從去年12月嘅相可見金正恩下顎線比較明顯，衫領亦較為寬鬆，但今個月所發布嘅疫情會議照片，就見到金正恩臉型變得更為圓潤。

報導分析認為，由於北韓今年先後舉辦金正日80歲冥誕、金日成110歲冥誕、人民革命軍建軍90週年紀念活動等大型活動，加上近期國內疫病大爆發，令金正恩陪感壓力，所以體重增加。唔知大家又覺得壓力大應該會肥定係瘦呢？