(21:00)最新消息,完整預告已正式上線,如下:
由Tom Hanks飾演老木匠嘅真人版《木偶奇遇記》喺今日公開前導預告!率先揭曉「藍仙女(Blue Fairy)」及「吉米尼蟋蟀(Jiminy Cricket)」造型,預計今年秋季上架Disney+,唔知大家有咩睇法呢?
“When you wish upon a Star...” Tune in tomorrow to @GMA to see the Teaser Trailer for @Disney’s #Pinocchio coming soon to @DisneyPlus. pic.twitter.com/OaENfj0j7n — On The Red Carpet (@OnTheRedCarpet) May 30, 2022
“When you wish upon a Star...” Tune in tomorrow to @GMA to see the Teaser Trailer for @Disney’s #Pinocchio coming soon to @DisneyPlus. pic.twitter.com/OaENfj0j7n
從短短30秒嘅前導預告片可見,曾獲兩次奧斯卡提名嘅非裔演員Cynthia Erivo飾演藍仙女,對住小木偶Pinocchio施法賦予生命,配樂更用上由佢親自演繹嘅主題曲《When You Wish Upon A Star》,其間閃過1秒鐘蟋蟀Jiminy同老木匠畫面,預計今晚或聽日會再公布另一條預告片。
1940年出品嘅《木偶奇遇記》係迪士尼繼《白雪公主》後第二部長篇動畫,改編自Carlo Lorenzini童話故事,講述一位老木匠整咗隻小木偶「Pinocchio」,後來被藍仙女賦予生命。仙女告知小木偶如果表現出誠實、勇敢、衷心,就可以變成一個真正男仔,但如果講大話,個鼻就會變長。
今次真人版電影由《Forrest Gump(阿甘正傳)》、《Back to the Future(回到未來)》系列導演Robert Zemeckis執導,Tom Hanks飾演老木匠、Cynthia Erivo飾演Blue Fairy、Joseph Gordon-Levitt聲演蟋蟀Jiminy、Keegan-Michael Key聲演反派狐狸Honest John。