如果你有曾經行開深水埗西九龍中心外面嘅話，一定記得商場外邊嘅幾張大型漫畫海報，其出品都是來自香港本地著名漫畫家林祥焜及甘小文之手。

不過眼利嘅朋友應該已經知道，西九外邊嘅大型海報已經更換，兩位漫畫家嘅作品已消失不見。不過，大家又唔使失望，因為佢哋兩位嘅作品已經轉場，去左旺角著名韓燒店平昌。

近日平昌韓燒店為慶祝開業九週年，特意搵黎林祥焜及甘小文，為佢地店舖打話富有香港本土特色以及韓國街頭文化嘅壁畫，讓食客可以慢慢食住野，又可以欣賞兩位漫畫家既畫作兼瘋狂打卡。兩位漫畫家除左保留一貫幽默可愛嘅作品風格，同時亦加入大量韓風元素，讓食客感覺猶如置身韓國，一解思鄉之愁。

在二人設計嘅壁畫中，有唔少大家一眼就睇得出嘅人物，好似BTS、Black Pink、張學友、鹽佬等等，亦都有一啲著名嘅Memes圖，等大家可以食住野估下究竟有D咩人物，非常有趣。而更加特別嘅係，二人互相將對方畫在壁畫上，絕對係令壁畫再添上一份趣味。

相信唔少人都2-3年無去過旅行，已經相當掛住各地嘅美食，而平昌韓燒就係由正宗韓國人主理，將地道韓國美食帶到香港，除了美食甚至連用具、其他設備都充滿韓風，真係可以令你短暫以為自己身處韓國一樣。