唔知大家搵工嗰陣，見到啲咩員工福利會令你即時心動呢？免費做Gym？無限零食供應？西班牙一間成人娛樂公司就有一項特別福利，容許員工每日自慰30分鐘，結果大家工作效率大幅提升！

《The Wolf of Wall Street》劇照

據外媒《New York Post》報導，西班牙成人娛樂公司Erika Lust Films老闆兼AV導演Erika Lust，發現旗下員工自疫情爆發後就變得冇釐神氣或易怒，於是決定推出特別福利，容許全公司36名員工每日自慰30分鐘，更設立自慰專用房，入面有齊潤滑劑、性玩具、AV以及床舖，等各位能夠好好放鬆。

員工們起初都對呢項福利感到既驚訝又尷尬，但經過一年時間實測，唔少員工都認為政策確實有效舒壓同提升工作效率，其中一位員工Yeraldine更話「現在我不能沒有它！」。Erika Lust亦指出政策實施後辦公室士氣大幅提升，同時好高興見到員工「完事」後，返埋位工作時所露出嘅放鬆神情，希望令更多人意識到自慰其實係日常生活一部分。

西班牙AV導演Erika Lust