網絡上課大家都試過，但如果老師打緊仗係前線戰壕中開講上課，學生同老師關系會唔會唇齒相依更珍惜上課機會！烏克蘭47歲老師Fedir Shandor係俄羅斯入侵烏克蘭後加入軍隊，如今每星期堅持上2堂課教導學生，地點就係前線戰場，有時係戰壕當中一邊上堂一邊聽到背後傳來的砲擊聲，Fedir Shandor會向學生展示彈片並教他們分辨不同的飛彈。當你以為呢位老師行得太前太出位，原來烏克蘭教育部長透露到目前為止已有大約900名老師加入軍隊，而一邊有繼續用各種方式教學的絕對唔止一位老師。戰亂中但願師生都可以平安戰勝！

現年47歲的Fedir Shandor俄羅斯入侵烏克蘭後就投身軍隊，但佢仍然希望自己學生繼續接受教育，因此如今每星期固定會係手機上開設2堂有關旅遊和社會學等主題的課程。每個星期一上午，Fedir Shandor都要準備進行佢的網上教學課程，對好多老師而言呢個只是普通日常，但Shando過去幾個月一直都係著住軍服係「前線」為學生進行網上課程。佢表示「我已經教了27 年、我不能放棄它，這是我擅長的」。

Fedir Shandor透露自己對工作的奉獻也有助於保持課程人數增加，根據佢表示「即使是以前時常走堂的學生，現在每堂課都會出現」。不過係戰壕裡上課並不容易，學生們已經開始習慣不時在課堂中聽到背後傳來的砲擊聲。通過身處的周圍環境，老師仲可以向學生展示彈片並教學生分辨不同的飛彈。近期一張尚多爾係戰壕中拿著手提電話上課的照片被貼到網絡並係烏克蘭傳播開來。如果你或你的小朋友唔想上課，提一提佢為你教學的老師隨時會有生命危險，係用生命教學，雖然聽落實在有點嬌情！