雖然《Elden Ring》熱潮已經慢慢褪去，但作為本年度最有力競爭「年度遊戲」嘅經典之作，當中自然有唔少令人再三回味嘅傳奇場面。而其中協助玩家對抗「女武神」瑪蓮妮亞嘅玩家「Let me solo her」近日就獲得官方認證，更收到個包含一把真長劍嘅禮品包。

Thank you @BandaiNamcoUS and @ELDENRING for giving me this gift and congratulating me for being #LetMeSoloHer . I can still remember my first experience with the soulsborne series and almost quitting because of Iudex Gundyr in Dark souls 3. I'm glad I persisted and (1/3) pic.twitter.com/w2FF77HRnO

— KleinTsuboi (@TsuboiKlein) July 6, 2022

「Let me solo her」本名Klein Tsuboi，自《Elden Ring》中期起，「Let me solo here」就會於出名難打嘅「女武神」瑪蓮妮亞Boss房門口留下自己嘅召喚印記，等其他玩家可以召喚佢出黎幫手打Boss，甚至召喚完佢之後你由得佢同瑪蓮妮亞單挑佢都唔會介意，成功幫助唔少玩家通關。再加上佢遊戲內只係戴咗個大壺頭盔、全身赤裸嘅造型，令其成為《Elden Ring》玩家傳唱嘅傳奇。

而近日Bandai Namco及Elden Ring官方為慶祝「Let me solo her」成功擊倒女武神1,000次 (而據Let me solo her自己計，目前佢已經擊倒過2,000次) ，特意為佢送上一個特製禮盒。當中有瑪蓮妮亞嘅木製頭像、交界地地圖、一封親手寫嘅感謝信、一件應該係來自遊戲另一角色「梅琳娜」嘅斗篷，以及一把寫住「Rise, Tarnished (奮起吧，褪色者)」嘅長劍。

LimitBreakers, BonfireVN and many others. I hope they know that they have inspired me to be who I am today and continue to be awesome. Thank you everyone! -Let me solo her

— KleinTsuboi (@TsuboiKlein) July 6, 2022

「Let me solo her」於個人Twitter上公開咗禮盒嘅內容，並發文感謝官方嘅善意。佢亦回憶自己當年第一次玩《Dark Souls 3》時，差啲就被人稱「新手地獄」嘅「古達老師」勸退，好彩佢有堅持落去先可以享受到遊戲嘅樂趣。佢亦盛讚「魂系遊戲」嘅玩家充滿熱情及專注，亦多謝曾經幫過佢嘅人。