近日梁朝偉飛到韓國出席第27屆釜山國際電影節，獲大會頒發「亞洲電影人獎」，並出席多個座談會及放映會分享心得。而劉嘉玲亦同行以經理人身份喺IG直連日行程，其中驚見偉仔同《魷魚遊戲》導演黃東赫聚餐合照，引起網民無限遐想。
View this post on Instagram A post shared by Carina Lau (@carinalau1208)
A post shared by Carina Lau (@carinalau1208)
劉嘉玲日前貼出偉仔同黃東赫嘅合照，以及一輯黑白聚餐照片，可見兩人傾得有講有笑、做晒手勢，似乎商討緊某啲計劃，劉嘉玲更喺內文寫上「Ready for《 Squid Game?》」及「Let's play Squid game!」，隨即引起網民熱烈討論，猜測偉仔係咪即會加盟《魷魚遊戲》第二季。
偉仔早前接受媒媒訪問時，就透露目前想拍返電視劇：「最初我係由電視劇開始，而家呢個階段我好想試下，再重新做一次電視劇個感覺係點。」並希望試多啲唔同嘅角色，挑戰反派角色，尤其係連環殺手。唔通係暗示佢會加入《魷魚遊戲》第二季做反派？
