改編自藤本樹同名人氣漫畫嘅《鏈鋸人》日前正式播出，除咗精彩打鬥場面睇到Fans熱血沸騰，由米津玄師獻唱嘅主題曲MV「KICK BACK」更上架YouTube短短3日就突破千萬觀看。不過，有眼利嘅中國網民就發現片中嘅中國地圖缺少「藏南地區」，引發「辱華」爭議。

紅色鈄線區域是「藏南地區」

引起爭議嘅畫面大約喺第14至15秒，可見會議室牆上貼上一張世界地圖，有中國網民截圖放大後，發現自家領土缺少了「藏南地區」，而該區正正就係中印領土爭議地區之一，令一眾愛國動漫迷難以接受。

雖然中國影音平台bilibili並冇將MV下架，不過就對該幕進行模糊處理(河蟹)，唔知會有幾多中國網民抵制罷睇呢？