|
講述英女王伊莉莎白二世統治期間故事嘅Netflix劇集《The Crown》，早年以精彩演出、劇本、以及「準確描寫歷史事件」而聞名，更曾多次獲得金球獎及艾美獎表揚。不過隨住故事進入現代，劇集對於王室成員嘅描述就引起坊間質疑。而喺劇集第五季播出之前，得高望重嘅英國女演員Judi Dench就公開發文，批評《The Crown》「殘忍地不公平」，並要求Netflix於每集加入澄清字句。 |
|
 |
|
|
現年86歲、曾於8部《007》電影中飾演「M夫人」一角嘅Judi Dench曾經獲得11座英國電影和電視藝術學院獎、一次奧斯卡影后，再加兩座金球獎及兩座托尼獎，並先後於1970年、1988年及2005年分別獲得官佐勳章 (OBE)、爵級司令勳章(DBE)及名譽勳位 (OCH)，係英國影壇最為德高望重嘅演員之一。 而Judi Dench日前就於《The Times UK》發表公開信批評《The Crown》，信中指「隨住劇集故事線越接近現代，佢哋就似乎更願意模糊歷史準確性及羶色腥之間嘅界線」。Judi Dench提出劇集中嘅查理斯曾經密謀要母親伊莉莎白二世退位，又曾指伊莉莎白二世作為母親上嘅缺失「應該要被判監」，「對於當中嘅個人以及佢哋代表嘅制度都係殘忍地不公平 (Cruelly unjust)」。Judi Dench亦指出佢係創作自由嘅最大擁護者，但唔能夠放任《The Crown》嘅不實劇情「不被挑戰」。 |
|
|
第五季中嘅戴安娜王妃由《天能》女演員Elizabeth Debicki接任 |
|
|
|
|
|
或者有人會認為《The Crown》只係一部劇集，劇集就自然有虛構嘅地方，實際上Netflix對於同類批評嘅回應亦一直如此。但Judi Dench就表示「製作組用盡一切辦法拒絕於每集嘅開頭加上澄清字句，依家佢哋係時候重新考慮一下。為咗一個剛剛失去親人嘅家庭及國家，為咗向一位盡力服務人民70年嘅君主表示敬意，亦為咗保存Netflix在英國觀眾眼中嘅聲譽。」 簡單黎講，就係Judi Dench明白《The Crown》作為劇集，無可能所有嘢都跟住現實發生，但佢認為Netflix係應該於每集開始時加入「以下劇情為歷史改編」之類嘅澄清字句，而唔係以過往幾季建立落黎嘅「準確描述歷史」形象，將虛構嘅劇情、對白、衝突強行套落王室成員身上。 《The Crown》即將於11月播出第五季，預計會繼續講述查理斯於戴安娜王妃之間嘅失和、離婚等事，並會重現戴安娜當年著名嘅「我的婚姻有三個人」訪問，甚至可能會講到戴安娜王妃於1997年因車禍離世。 |
|
|
資料來源：Variety |