由日本漫畫家尾田榮一郎創作嘅《海賊王 One Piece》連載至今超過25年，熱血劇情令無數觀眾為之著迷，Fans遍布全球。最近一位日本高中生就喺Twitter分享自己種植嘅「惡魔果實」，火速獲得超過20萬讚好。

ちょっと前に作ったゴムゴムの実風メロン????
好評だったらメラメラの実も作ります。
#ワンピース #ゴムゴムの実 #悪魔の実 #ONEPIECE pic.twitter.com/kaUwv1NAgI

— ｴﾄｵ (@x0JJ4cCbII7TRUX) October 20, 2022

日本高中生「ｴﾄｵ」（Twitter@x0JJ4cCbII7TRUX）最近分享一張照片，表示自己成功種出「橡膠果實」（正確名稱：人人果實·幻獸種·尼卡型態），可見蜜瓜上一圈又一圈嘅紋路完美還原原作模樣，網友紛紛留言「你點做到㗎？」、「如果商業化應該會大賣」、「不如送一個畀尾田？」，其中有網友更搞笑地引用原作第502話「天龍人」查爾羅斯聖名句「5億で買うえ」，表示要用5億購買。

對於網友們嘅熱烈反應，「ｴﾄｵ」就表示目前並冇販售嘅打算，而佢亦嘗試製作緊艾斯嘅「燒燒果實」以及斯摩格嘅「冒煙果實」，預計11月下旬採收時就知能否成功。

究竟點樣種出嚟？「ｴﾄｵ」就解釋只要喺蜜瓜長大之前，從表皮上刻上痕跡，該痕跡就會漸漸形成網紋，而佢為咗製作出呢粒「橡膠果實」，就足足花咗5個鐘頭雕刻。