Jennifer Lawrence日前為宣傳新戲《Causeway》而接受《The New York Times》記者Kyle Buchanan訪問，期間除咗自爆當年宣傳成名作《The Hunger Games》時會同Liam Hemsworth等演員一齊食大麻之外，仲透露自己已經辭演與《Don't Look Up》導演Adam McKay籌備多年的Elizabeth Holmes傳記執導嘅《Bad Blood》，而原因，就係因為Amanda Seyfried「演得太好」。

Jennifer Lawrence will no longer star as Elizabeth Holmes in Adam McKay's BAD BLOOD, she told me. She came to that conclusion after watching Amanda Seyfried play Holmes in "The Dropout": "I thought she was terrific. I was like, 'Yeah, we don't need to redo that.' She did it."

— Kyle Buchanan (@kylebuchanan) November 2, 2022

圖片：Vanity Fair

要解釋點解佢退出《Bad Blood》，就要先交代邊個係Elizabeth Holmes。Elizabeth Holmes於2004-2015年間，憑住謊稱掌握「抽幾滴血就可以獲得大量身體數據」嘅技術，成立「Theranos」公司吸引數以億計資金，曾被稱為「女版Steve Jobs」，身家一度高達90億美金，成為美國矽谷當紅人物，但最後被踢爆做假而聲明狼藉，更被控詐騙而跌落神壇。

你係咪覺得呢個故仔好熟口面？冇錯！因為之前我哋曾經介紹過由Amanda Seyfried主演嘅Hulu劇集《The Dropout》，就係同樣按Elizabeth Holmes嘅事跡黎改編，而正正就係因為Amanda Seyfried，令Jennifer Lawrence決定放棄已經籌備多年嘅《Bad Blood》。

據《The New York Times》記者Kyle Buchanan於Twitter上表示，Jennifer Lawrence就係睇完《The Dropout》後，覺得Amanda Seyfried實在演得太好，好到「我唔使又演返一樣嘅嘢啦，佢都做哂囉」，所以就決定辭演。Jennifer Lawrence於早年買下John Carreyrou關於Elizabeth Holmes嘅紀實文學《Bad Blood》版權，並計劃與《Don't Look Up》導演Adam McKay共同製作。目前未知Jennifer Lawrence退出後，《Bad Blood》會否繼續製作。

資料來源：New York Times