「熱情淡了嗎 想抽身了嗎 聊電話也洩氣了嗎……」唔少人曖昧期間都遇到個問題，明明一開始女方對自己仲係好有好感，但突然之間，就會對自己冷冷淡淡，完全唔知自己衰咗乜。Mean娜作為一個女仔，可以話你知，其實女仔好留意細節，一旦女生喺你身上，發現佢唔喜歡的細節，就會瞬間對你冇晒熱情。

日本投票網站みんなの声，就票選出10個喜歡對象讓女生冷感的瞬間，大家不妨參考下喇。

有頭皮會令人覺得對方好污糟，雖然頭皮有時候會因為體質關係，而冇辦法好好控制，但約會時都係要注意一下，如果唔係會令人感覺好嘔心。

第9名 - 冇工作(1687票)

如果明明係有能力、有時間，卻遲遲沒有工作，會容易讓女生覺得你係一位無法依靠、無獨立經濟能力的男人，更加唔會係一個負責任的男人。

第8名 - 常常謾罵(1821票)

可能你只係想抒發自己負面情緒，但好多時謾罵只會畀人負面觀感，令人覺得你幼稚、冇水準。

第7名- 很強烈的體臭或香水味(2006票)

強烈的體臭令人無法接受就好易理解，但強烈香水味其實一樣令女人頂唔順。最恐怖莫過於強烈體臭與強烈香水混合的味道。其實女仔，都係比較鍾意自然清新的味道。

第6名 - 亂丟垃圾(2011票)

亂丟垃圾會顯得自己冇公德心，讓女生覺得約會對象缺乏公民意識，而且道德與生活水準都較低。

第5名 - 小氣吝嗇(2251票)

如果過於小氣，咩都要分得清清楚楚、一人一半，各付各的，會畀人感覺不夠大方。

第4名- 雙面性格(2369票)

好多男人喺女性面前一種性格，喺同性面前又另一個人，會讓女生覺得喺佢面前的一切表現，都只係為了追求她，好像只係演戲，令女生容易感覺不安。

第3名 - 進食方式很髒(3247票)

如果一個人吃相不夠得體，除咗會讓人感官上不舒服外，更會令人質疑對方平常生活習慣係唔係一樣骯髒。

第2名 - 戀母情結(3399票)

太依賴媽媽的男生，會令人感覺不夠獨立。除此之外，就算真係結婚了，女生都會擔心未來的日子，男生會無法喺母親同自己之間，取到一個最理性的平衡點。

第1名 - 傲慢態度(5317票)

如果態度過於高傲，女生會認為你係一位過於狂妄、大男人主義、只在意自己嘅人。未來如果真係一齊，可能會不夠貼心、唔為對方著想。