加入如AKB48等日本女子偶像團體，大概係目前日本年輕女仔加入演藝界嘅最好方法。不過女團成員素來有「年輕限制」，玩到廿歲中後期就已經要諗定出路，而前AKB48、SKE48成員山内鈴蘭就選擇加入寫真界，大家又睇唔睇好佢呢？

即將28歲嘅山内鈴蘭，早於2009年，即係15歲時就透過試鏡加入AKB48，2014年移籍到姊妹團體SKE48，並一直留到去年12月1日先正式畢業。或者係因為2021年年中時推出嘅首隻寫真DVD成績唔錯，所以山内鈴蘭單飛後就主力發展寫真事業，唔單止於2022年內推出兩隻寫真DVD，仲同《週刊SPA！》合作推出寫真集。

單論身材，山内鈴蘭就絕對唔係大家見到都驚嘅「骨巉巉」身型，骨架偏大嘅睇落比較有肉地，一對蜜大腿睇落非常結實，再加上佢非常、非常鍾意打高爾夫球，所以曬出一身健康膚色。如果要我形容佢呢種身型呢…大概就係「好生養」？

IG：xxsuzuranxx