喺香港，要搵間高質扒房、食塊高質牛扒並唔難，不過對於本身係牛扒痴嘅退休工程師屈先生黎講，即使多年黎尋遍香港，卻始終搵唔到自己心水嘅牛扒，加上佢覺得在香港地吃牛扒所費不菲，所以佢於退休後就決定自己開扒房，為大家提供價廉物美嘅扒房選擇。

老闆兼大廚屈先生開設嘅「Supreme Steak & Grill」，其實早於2020年7月就已經開業，不過當時時值疫情，扒房被逼轉營西餐廳，到近來疫情消退，先更新菜單，回歸扒房。

由於屈先生本身係個輸電系統設計工程師，八十年代提倡媒氣改電時，佢就曾經負責多間中式酒樓嘅電爐設計，對於爐頭可謂非常熟悉。而自己鋪頭嘅廚具、扒爐當然亦由佢本人一手設計，同時佢亦研發及制定廚房料理流程，將人手的影響減至最低，並且準確地將牛扒煎到客人要求嘅熟度。

普遍人認為最好食的部位，肉質軟嫩，略有肉味，油花分布均勻

店中餐牌簡而精，款式不過十款，主力三款牛扒部位，包括入門級別的「安格斯肋眼牛排」、肉味特濃的「安格斯封門柳」、以及有 Queen of Steak 之稱的「澳洲M7和牛里脊」（Picanha），位置近里脊下近臀部蓋肉，部位活動較少，肉質如牛柳般幼嫩，肉味卻超豐盈。

晚餐菜單套餐還加配無限量供應的即炸薯條和飲品，作為「薯條控」絕對不可錯過！除此之外，餐牌還有牛扒以外如黑毛豬鞍、比目魚排和法式羊架等各款美食可供選擇。另外店內所有伴食醬汁，都係由老闆親自調配，獨一無二。

Queen of Steak 之稱，又稱 Rump Cap，是里脊下近臀部蓋肉，部位上幼嫩的肉上有一層脂肪相連，油香充足，軟嫩、肉味集於一身，是近年Butchers推介的Undercut

因為疫情期間轉營做西餐廳，所以意粉意外地成為大家口耳相傳的「招牌菜」

店內環境

店鋪坐落於深水埗福榮街，睇個地址你都知係平民區域，所以店內嘅標價亦非常大眾化。絕大部份菜色都係$200以下，就算係集油香、軟嫩、肉味於一身嘅「Queen of Steak」Picanha (澳洲M7和牛里脊)，都只係三舊水有找。絕對能令牛扒成為平民大眾美食。

餐廳資料

Supreme Steak & Grill

地址：深水埗福榮街161號永邦樓地舖

電話：98802237

營業時間：12:00pm - 10:00pm