|
就咁睇個標題，你可能會覺得我講緊廢話：「有邊個男人唔鍾意瘦嘅女人呀？」但多年黎研究兩性關係嘅學者，其實都用進化論嘅角度去解釋男性對女性身材嘅審美標準：健康嘅女仔嘅比較適合生育，所以男人將健康嘅體型視為「吸引/靚」，並追求「吸引」嘅女性以增加自己傳宗接待嘅機率。而「瘦」就明顯地唔係「健康」嘅體型之一，換言之，理論上男人應該唔鍾意瘦嘅嘅女仔——每次你女朋友/老婆問你「我係咪好肥呀？」你都係咁答啦？ |
|
|
Jennie @ Blackpink  圖片：@jennierubyjane |
|
|
卻說來自中國杭州師範大學嘅「Chengyang Han」以及來自上海體育學院嘅「Xiangqian Li」，早前發表咗一個從男性角度去睇女性吸引力以及健康程度嘅研究。研究中佢哋搵黎75名中國成年異性戀男子，其中35名為60至82歲嘅年長男性、而另外40名就係19至36歲嘅年輕男性，並要求佢哋針對多個有著不同BMI、體脂率嘅女性3D人體模型，作出吸引力、健康程度以及生育能力嘅評分。 如果上文中「健康=生育能力=靚」嘅假說成立，咁個結果就應該係健康得分最高嘅體型，應該同時係吸引力最高嘅體型。 |
|
|
神宮寺ナオ  圖片：@nao_jinguji 白石茉莉奈  圖片：@shiraishimarina |
|
|
但結果就發現，受訪者認為最吸引嘅，係BMI以及體脂率都偏低嘅模型，簡單黎講就即係「瘦」嘅女仔，其中年輕男士覺得最吸引嘅就更加瘦；受訪者認為最健康嘅體型，BMI及體脂率都明顯較高，而佢哋認為生育能力最好嘅體型，BMI及體脂率就更高。換言之，受訪者係明知道瘦嘅女仔唔係最健康、亦唔係最有生育能力，但依然覺得佢哋最吸引。 不過，呢個研究當然有頗大嘅局限性。首先受訪者人數太少，未必能夠代表所有男性；其次使用3D人體模型，亦可能令受訪者對體型嘅觀感與真人有所出入。第三亦係更重要嘅，就係審美眼光呢家嘢非常受當地文化影響，例如某啲食物比較貧乏嘅地區，就可能會出現「肥=吸引」嘅審美觀。研究只係顯示出過往沿用嘅「健康=吸引」假說未必正確咁解。 |
|