日本女團AKB48曾經紅透半邊天，而且唔少成員都有涉獵寫真，成為一眾男士嘅「深夜女神」。近年AKB嘅注目度有所回落，縱然唔少成員都有繼續拍攝寫真，但反應就已經冇一眾前輩咁好。唔知今晚為大家介紹嘅呢位「鈴木くるみ」，又能唔能殺出一條血路？

今年即將19歲嘅鈴木くるみ，係AKB中Team B嘅成員，近日佢為《週刊Playboy》拍攝首次泳裝寫真，亦係最新踏入寫真界嘅AKB成員。據佢於訪問中表示，今次嘅寫真乃係佢人生首次露咁多肉出黎見人，亦係佢自小學上游水堂以黎第一次著泳衣，所以非常緊張。不過唔少團員，包括目前AKB嘅總監督向井地美音都曾經叫佢要影多啲水著寫真，所以佢先鼓起勇氣答應拍攝。

至於點解咁多團員都叫鈴木くるみ去拍寫真，相信大家睇到啲相時就會明白。平時無論於台上定私底下都包得頗為密實、走可愛風格嘅佢，其實係有一副非常凹凸有致、青春洋溢嘅好身材，再配上佢稚氣未除嘅可愛面蛋，應該可以擄獲唔少男性Fans。

IG：kurumi_akb48