曾以《小偷家族》捧走金棕櫚獎嘅日本名導是枝裕和，今年以新作《怪物》再度入圍康城影展，同時亦係音樂大師坂本龍一嘅遺作。

《怪物》由是枝裕和執導，《東京愛情故事》《在世界中心呼喚愛》編劇坂元裕二撰寫劇本，音樂大師坂本龍一操刀電影配樂，講述在一個位於湖邊嘅郊區小鎮，有一名疼愛兒子嘅單親媽媽、一班關心學生嘅老師，以及一群天真無邪嘅小朋友過住寧靜嘅生活，然而某日學校內發生一場衝突，看似小朋友們嘅普通口角，逐漸發展成涉及社會及媒體嘅大事。其後，喺一個暴雨嘅早晨，兩名男孩卻突然失蹤...

除咗夢幻幕後團隊，演員陣容更集結《小偷家族》日本影后安藤櫻、永山瑛太、中村獅童、高畑充希、角田晃廣、田中裕子，以及飾演兩位小朋友主角嘅黑川想矢及柊木陽太，預計6月2日於日本正式上映。