文:MenClub 魏文青  
POSTED ON April 17, 2023 11:00 pm

大家都知日本嘅寫真風氣非常開放,部份模特兒甚至未成年就已經拍緊寫真,大多數人亦係於18歲左右就出道,所以今日就介紹嘅呢位「天野レナ」等到25歲先出道,已經算係非常遲!而佢亦自稱呢個係佢嘅「最後機會」,大家又滿唔滿意呢?

身高166cm嘅「天野レナ」,早於七年前就已經用「天野礼那」之名,從故鄉浜松去到東京出任模特兒,但一直以黎嘅發展都未算順利,咁多年都係要靠兼職維生,一直處於放棄邊緣。佢於接受訪問時提到,令佢堅持下去嘅最大動力,就係希望能令在家鄉父母感到安心。佢指爸爸非常想佢成為職業哥爾夫球選手,但自己覺冇呢個天賦,所以於能夠發揮才能嘅地方獲得成功,就係報答親人嘅最好方法。

而佢亦將今次改名並踏入寫真界嘅轉變,視為自己嘅最後機會。佢指身邊嘅人都指佢嘅笑容非常有治癒感,所以未來佢希望成為一個能夠用微笑黎照亮大家嘅人。而我諗大家睇完佢啲相都會認同,佢轉型做寫真偶像的確係明智之舉,事關佢除咗身材高挑之外,皮膚仲又白又滑,再加上燦爛可愛嘅笑容,相信佢未來嘅發展一定更加好!

IG:rena_amn