雖然香港唔太流行，但唔少其他國家嘅戲院，都會為部份熱門電影推出週邊，希望吸引觀眾進一步消費。而近日有日本網民於Twitter分享咗一款戲院為《Fast X》推出嘅週邊，仲大讚係天才級設計，引黎數十萬名網民讚好。

シフトレバードリンクホルダー
これ思いついた人、バカ天才だわ。 pic.twitter.com/WVhkND8LZL

— ミニカーの写真bot (@minicar_love_) May 19, 2023

卻說本身就非常鐘意車，而且係迷你車 (玩具車) 攝影師嘅「ミニカーの写真bot (@minicar_love_)」，上週於Twitter分享咗日本戲院為《Fast X》推出嘅週邊。週邊實際上就係一個汽水杯，但個杯蓋就設計到成支波棍咁，再配合埋戲院座位旁邊個飲品架，就好似你一路睇戲，一路有支專屬波棍一樣，令沉浸感大為提升。難怪「ミニカーの写真bot (@minicar_love_)」大讚係天才級設計。

圖片：https://www.higashihiroshima-fuji.com/news/9896/

帖文一出之後，唔少網民都紛紛詢問究竟喺邊間戲院可以買到，而「ミニカーの写真bot (@minicar_love_)」亦好大方咁分享埋戲院個官網出黎。不過呢個「天才級」汽水杯，其實於前年《Fast 9》上映時都出過類似嘅，而賣成2,000Yen，即係HK$110左右，唔知大家買唔買得落手啦。