正所謂一家人邊有隔夜仇吖，隨住Dwayne Johnson於《Fast X》驚喜回歸，佢今日正式宣布已同Vin Diesel和好如初，緊嚟仲會拍多部《Fast and Furious》外傳電影，再次飾演DSS最強探員Luke Hobbs。

Hope you’ve got your funderwear on…

HOBBS IS BACK.
And he just got lei’d ????????

Luke Hobbs will be returning to the Fast & Furious franchise.

Your reactions around the world to Hobbs’ return in Fast X have blown us away ????????????????

The next Fast & Furious film you’ll see the… pic.twitter.com/vvtBgTBOnl

— Dwayne Johnson (@TheRock) June 1, 2023

Dwayne Johnson今日於Twitter上表示，早於去年夏天，佢同Vin Diesel已經將過往種種恩怨拋諸腦後，兩人會以兄弟情及堅定嘅信念，繼續照顧佢哋熱愛嘅系列、角色以及Fans，並始終秉持「觀眾至上」態度，呢個信念一直係佢嘅北極星。

與此同時，Dwayne Johnson亦宣布會以Luke Hobbs身份再拍一部《Fast》外傳電影，為《Fast X: Part 2》做好鋪墊。據了解，呢部外傳電影並非《Fast & Furious Presents: Hobbs & Shaw（狂野時速：雙雄聯盟）》續集，而係完全由Dwayne Johnson主演嘅個人電影，換言之係唔會有Jason Statham所飾演嘅Deckard Shaw出現，由擔任過多部《Fast》電影編劇嘅Chris Morgan撰寫劇本，故事時空設定在《Fast X》與《Fast X: Part 2》之間。

Dwayne Johnson同Vin Diesel自《Fast & Furious 8》開始傳出不和，多年嚟曾多次隔空對話，例如Dwayne Johnson暗串Vin Diesel扮大佬又愛操縱，堅拒回歸《Fast》系列，而Vin Diesel又以一家人齊齊整整為由，甚至拎埋Paul Walker出嚟打溫情牌叫Dwayne Johnson「回家」，兩人嘈咗咁多年，依家總算大和解。值得一提嘅係，去年夏天剛好就係《Black Adam》上映嘅時間（2022年10月），有網民就認為Dwayne Johnson係因為《Black Adam》唔收得先回歸《Fast》系列，唔知大家又點睇呢？