無論係日本、韓國定美國，近年都多見由漫畫改編而成嘅真人版電影、劇集，其中又以日漫改編嘅作品成績最為「慘烈」，幾乎冇一部稱得上係「好睇」，最多都只算係「無咁難睇」，特別係當「日本漫畫」加上「荷里活改編」，就更加係唔少人心中嘅「必死」組合。而日本漫畫神作《One Piece》近年都「慘遭」Netflix真人化，並將於8月起播出，不過近日就傳出一個稍為令Fans們放心嘅消息，就係劇集日文版將會由《One Piece》動畫聲優原班人馬上陣。

アニメ版の声優陣が実写ドラマシリーズ「ONE PIECE」の吹替声優に決定☠️

ルフィ：#田中真弓
ゾロ：#中井和哉
ナミ：#岡村明美
ウソップ：#山口勝平
サンジ：#平田広明

全文コメントはこちら
▼ルフィ役 #田中真弓 さん… pic.twitter.com/KmFm1dJAXa

— Netflix Japan | ネットフリックス (@NetflixJP) July 1, 2023

Netfix早前於美國Anime Expo中公佈，真人版《One Piece》除咗會有英文版之外，仲會有日文及西班牙文配音版，其中日文版將會由動畫版《One Piece》嘅聲優們原裝上陣。換言之路飛一角繼續由田中真弓老師配音，中井和哉 (索隆)、岡村明美 (娜美)、烏索普 (山口勝平)、平田広明 (山治)等大家熟悉嘅配音亦會回歸。相信或多或少都能夠減低動畫版觀眾嘅抗拒感。

而為咗隆重其事，Netfflix早前更安排咗於真人版中飾演路飛嘅Iñaki Godoy與田中真弓老師親自會面，田中真弓老師更親手為Iñaki戴上草帽加冕。唔知呢個消息又會唔會令大家減低對真人版嘅戒心呢？