睇嚟未來幾年唔會再見到一大堆MCU同《Star Wars》衍生劇集

近日迪士尼行政總裁Bob Iger接受《CNBC》訪問時表示，預計未來幾年將會減少Marvel及《Star Wars》作品預算及產出，期望節省成本之餘，亦集中火力提升節目品質。同時承認近年Marvel一系列電影及劇集作品表現未如理想，雖然產量提升，但未有達成任何顯著成就，反而沖淡觀眾焦點及關注度。除此之外，Bob Iger亦透露公司可能會將迪士尼內容授權畀其他串流平台。

Bob Iger自去年11月回巢掌權後，就開始大刀闊斧改革，將迪士尼全面重組為3個部門，並大裁近7,000名員工。為確保公司轉型計劃順利完成，迪士尼日前就宣布Bob Iger任期將延長至2026年，唔知佢能唔能夠帶領迪士尼再創輝煌呢？