|
女權運動之中有所謂「解放乳頭」運動，簡單黎講就即係宣揚女性都可以自由、不受注目地赤裸上身，或不穿內衣透出乳頭，挑戰一貫嘅男女道德標準差異。而相信唔少男性心底裏，其實都相當支持呢項運動。而雖然出發點略有不同，但今晚要同大家介紹嘅呢位「水咲優美」，過去兩年就一直過住「No Pant No Bra」嘅自由生活，而且佢仲相當滿意成果！相信大家亦會大力支持佢繼續咁做！ |
|
          |
|
|
現年26歲嘅「水咲優美」，早於2013年，即係佢16、7歲時就透過NHK嘅教育類節目《R的法則》藝能出道，並一直擔任常設嘉賓直到2017年從節目中畢業。兩年後嘅2019年，佢就搖身一邊成為寫真女星開始水著活動，同年更贏得《產經體育》舉行嘅「Sanspo GoGo皇后」比賽中嘅「Best Smile賞」。 話雖如此，但相信大家睇相都會認同，佢最大嘅賣點並非來自微笑，而係佢高達106cm (約42吋) 嘅超豐滿上圍，以及偏圓潤嘅肉感身材。另外，由於佢某啲角度同日本女神「石原里美」有幾分相似，所以有媒體又稱佢為「巨乳石原里美」——老實講我就睇唔出嘅。 |
|
          |
|
|
而佢早前接受《週刊Playboy》訪問時，就透露自己過去兩年都過住「No Pant No Bra」嘅生活，即係唔著內褲同內衣。佢話當初係因為身材太豐滿、覺得內衣太局促，加上佢希望自己嘅上圍可以更下垂 (我冇打錯字)，所以決定唔著內衣，後來就連內褲都唔著，平時出街都係靠乳貼、著長裙長褲黎避免走光。佢甚至笑稱自己有啲「變態」，每次出街諗起大家望住冇打底嘅自己都會好開心。 佢亦表示自己其實好似大叔一樣「色色」，除咗自己鍾意「過激」嘅寫真風格之外，連睇其他女星嘅寫真，都會收藏佢覺得「色色」嘅相片，未來亦希望為「心儀」嘅寫真女星拍攝寫真，完全為滿足自己嘅「私慾」。 |
|